Entrar
Los nuesos servicios
En llinia colos oxetivos marcaos nos sos estatutos, apoyándose na so estructura y nos sos recursos, FORTA presta dellos servicios a los sos socios. Pa ello, cuenta colos departamentos siguientes:
Órganos (Secretaría Xeneral y Asesoría Xurídica)
Producción d’Informativos y Deportes, y Rede
Xestión de Producción Ayena y Cambéu de Formatu
Órganos
La Federación, al traviés del denomináu Centru Órganos, xestiona l’actividá de FORTA, tanto la de calter internu —recursos y personal— como la coordinación y el sofitu alministrativu y xurídicu de les Comisiones de Trabayu; too ello supervisao pola Xunta Xeneral de la Federación.
Conforme a los Estatutos de la Federación, a les necesidaes de los socios y a la evolución del panorama audiovisual, Órganos procura adaptar los recursos y orientar l’actividá de FORTA escontra les árees o servicios qu’ufiertan una rentabilidá xeneral mayor a los socios. Al mesmu tiempu, ye responsable de la execución de los alcuerdos qu’adopte la Xunta Xeneral de FORTA y asume la representación de la Federación por delegación de la Xunta Xeneral o del Presidente.
Producción d’Informativos y Deportes, y Rede
L’actividá prioritaria del departamentu de REDE consiste en xestionar, tanto dende un puntu de vista téunicu como de producción, l’actual serviciu d’enllaces, utilizando de la manera más eficiente posible tanto la rede de tresporte audiovisual permanente qu’interrellaciona a los sos socios como los demás circuitos y servicios. Estos servicios van dende la compra y venta de noticies hasta la respuesta áxil ante acontecimientos imprevistos o la preparación de dispositivos de producción conxuntos. Too ello tanto nel ámbitu de los informativos como nel de los deportes.
Xestión de Producción Ayena y Cambéu de Formatos
La función principal d’esti departamentu ye la xestión integral de les compres conxuntes de derechos d’emisión de producción ayena que faen los socios de FORTA, ufiertando’l sofitu xurídicu, alministrativu y téunicu que precisen. Esti sofitu va dende la ellaboración o revisión de contratos hasta’l siguimientu de les llicencies d’emisión, la xestión de los materiales y la distribución de les sos copies. Pa ello, FORTA dispón, amás de les facilidaes alministratives necesaries, d’un llaboratoriu téunicu equipáu con too lo necesario, denomináu Cambéu de Formatos, onde se verifica téunicamente la calidá de los materiales recibíos y s’ellaboren los másteres que permiten a los sos asociaos emitir los productos adquiríos nes meyores condiciones.
Últimes noticies
Más información
FORTA defiende que se proteja la visibilidad de la televisión y radio de proximidad en los nuevos dispositivos audiovisuales
La Newsletter de FORTA – Septiembre
